Muri Kenya, abagore 18 bari mu mahugurwa yo kwinjira muri Polisi birukanwe mu ishuri rya Polisi rya Kiganjo nyuma yo gusanganwa inda, ibintu byateje impaka zikomeye mu gihugu.
Chief Editor 
Aba bagore bavuga ko birukanywe mu buryo bubatesha agaciro kandi bunyuranyije n’uburenganzira bwabo bw’ibanze. Ibi byatumye umuryango uharanira uburenganzira bwa muntu wa Sheria Mtaani hamwe n’umunyamategeko akaba n’umuharanira uburenganzira bwa muntu Shadrack Wambui baregera Urukiko Rukuru rwa Milimani bashinja abayobozi bakuru ba Polisi ihohoterwa no gukoresha nabi ububasha bafite.
Mu kirego cyatanzwe, bavuga ko bamwe muri abo bagore batewe inda n’abapolisi bakuru bari bashinzwe kubahugura, nyamara aho gukurikiranwa kw’ababikoze, abagore ari bo bahanwe birukanwa mu mahugurwa.
Abareze basaba urukiko gutegeka ko abo bagore bahabwa indishyi z’akababaro ndetse hakabaho iperereza ryigenga ku bivugwa muri iki kibazo.
Iki kibazo cyakuruye impaka ndende muri Kenya, aho bamwe bavuga ko amategeko agenga amahugurwa ya Polisi abangamira uburenganzira bw’abagore, mu gihe abandi basaba ko hakazwa imyitwarire n’imicungire y’abari mu mahugurwa
Bagabo John
