Muri Ibitaro bya Benjamin Mkapa biherereye i Dodoma, serivisi yo gushyiramo igikoresho gifasha ubugabo gukora neza (penile implant) igura hafi miliyoni 10 z'Amashilingi ya Tanzania, nk'uko byatangajwe na Dr. Remigius Rugakingira, inzobere mu kuvura indwara z'impyiko, inzira z'inkari n'imyororokere y'abagabo.
Chief Editor
Dkt. Rugakingira yavuze ko ayo mafaranga akubiyemo ibyiciro byose by'ingenzi by'ubuvuzi, birimo ibizamini byo mbere y'ubuvuzi, kugura igikoresho gishyirwa mu gitsina cy'umugabo (penile implant), ndetse n'ikorwa ry'ukubaga ubwabyo.
Uku kubaga gukorerwa abagabo bafite ikibazo gikomeye cyo kudashobora gushyukwa cyangwa guhagarika ubugabo (erectile dysfunction), cyane cyane iyo imiti cyangwa ubundi buryo bwo kuvura butatanze umusaruro.
Yasobanuye kandi ko nyuma yo kubagwa, umurwayi ahabwa igihe cyo gukira mbere yo gutangira gutera akabariro kw'abashakanye.
Mu bisanzwe, yemererwa kongera gukora imibonano mpuzabitsina nyuma y'ibyumweru bitandatu, nyuma y'uko muganga yemeje ko yakize neza.
Gushyiramo igikoresho gifasha ubugabo gukora neza (penile implant) ni uburyo bw'ubuvuzi bugamije gufasha umugabo kongera kugira ubushobozi bwo guhagarika ubugabo hifashishijwe igikoresho cyabugenewe.
Bukorwa gusa nyuma y'isuzuma ryimbitse rikozwe n'abaganga b'inzobere, bakemeza ko uwo murwayi ari we ubukwiriye.
Bagabo John
