Ishyaka riharanira Demokarasi no kurengera ibidukikije mu Rwanda ( DGPR-Green Party) rikomeje bikorwa byo koroza abarwanashyaka baryo, amatungo magufi hagamijwe guhanga imirimo mishya ibyara inyungu.
Chief Editor 
Kuri iki cyumweru tariki ya 26 Mata 2026, Ishyaka riharanira Demokarasi no kurengera ibidukikije mu Rwanda (DGPR-GREEN PARTY) ryahuguye abayobozi biri shyaka ku rwego rw'akarere ka Ruhango, bakaba bahuguwe ku bikorwa byo kurengera ibidukikishije muri aka karere hakoreshwa ingufu zisubira, imikoreshereze y'ikoranabuhanga, umutekano ndetse n'uruhare rw'abarwanashyaka mu kwerekana isura nziza y'ishyaka mu bikorwa by'iterambere ry’igihugu.
Mu batanze ibiganiro harimo ikiganiro cyatanzwe na Byiringiro Samuel, watanze ikiganiro cyagarukaga ku ruhare rw'abarwanashyaka mu kurengera ibidukikije, aho uyu muyobozi
usanzwe arinawe muyobozi w'Urubyiruko rw'ishyaka DGPR mu ntara y'Amajyepfo, yasabye abarwanashyaka
kugira uruhare mu gufasha abaturage kurwanya iyangirika ry'ubutaka ahakorerwa ubucukuzi bw'umucanga hazwi nka ( Kayumbo.
Byiringiro Samuel Umuyobozi w'Urubyiruko mu Ishyaka DGPR mu Ntara y'Amajyepfo
Usibye aya mahugurwa ndetse n'Inama z'ifasha aba rwanashyaka mu gusobanukirwa neza amahame n'imikorere y'ishyaka DGPR-GREEN PARTY, iri Shyaka mu gukomeza gushyira mu bikorwa Manifesto yaryo, ryatangiye koroza abarwanashyaka baryo aho ku ikubitiro boroje abantu batandatu bo mu karere ka Gicumbi, ni mugihe uwo mushinga usanzwe mu kare ka Ruhango aho umaze kwa guka ndetse no gutanga umusaruro.
Abarwanashyaka batandatu bo mu Ishyaka DGPR bo mu karere ka Gicumbi nibo borojwe amatungo magufi y'ingurube.
Uyu mushinga wo koroza abarwanashyaka amatungo magufi by'umwihariko Ingurube,
ugamije guhanga umurimo no gukura abaturage mu bukene, aborojwe nabo bakaba
bafite inshingano zo koroza abandi kugira ngo umushinga ukomeze kwaguka.
Bagabo John
